Укучылар һәм укытучылар өчен «Патшабикә көз» («Царица – осень») республика конкурсы үтә

Көз – елның искиткеч вакыты, аның палитрасы шундый якты һәм бай, теләсә кайсыбызны тылсымлы матурлыкка сокланырга мәҗбүр итә ала. Көз! Елның гаҗәеп, мавыктыргыч фасылы – ул искиткеч картиналары белән кешеләрне сокландыра һәм шатландыра!

Укучыларны һәм укытучыларны шушы матур ел фасылына багышланган «Патшабикә көз» («Царица – осень») республика конкурсында катнашырга чакыралар.

Бәйгенең максаты – катнашучыларның иҗади потенциалын һәм идеяләрен тормышка ашыру.

Катнашучыларның яшь төркемнәре:

• балалар бакчасында тәрбияләнүчеләр;
• 7-10 яшьлек укучылар (кече яшь төркеме);
• 11-14 яшьлек укучылар (урта яшь төркеме);
• 15-18 яшьлек укучылар (өлкән яшь төркеме);
• мәгариф оешмаларының тәрбиячеләре һәм педагогик хезмәткәрләре.

Конкурсның номинацияләре:

• декоратив-гамәли сәнгать эшләре. 
• рәсем сәнгате эшләре. 
• фотоэтюдлар. 
• презентацияләр. 
• әдәби эшләр. 
• театр сәнгате эшләре.
• педагогик тәҗрибә коллекцияләре.  

Материалларны тапшыруның соңгы срогы 2024 елның 4 ноябре.

Тулырак https://tat-konkurs.ru/ сайтында.

Фото Фрипик сайтыннан.