Көмеш кыңгырау

Яр Чаллы шәһәре

Ачык ишек

Мәктәп формасы: салыйкмы-юкмы?

Укуның соңгы көннәре. Алда – җәй. Мәктәп формасын тизрәк салып куясы килә. Кайбер мәктәпләрдә соңгы көннәрдә ирекле формадан йөрергә рөхсәт итәләр. Ә сездә ничек?

Фирүзә Ибраһимова, Яңа Чишмә районы:

– Бездә, гомумән, алай түгел. Киресенчә, әле ак алъяпкычлар киеп йөрергә кушалар. Имеш, мәктәп белән матур итеп хушлашу...

Әмир Фәрхуллин, Мамадыш районы:

– Безнең мәктәптә ел буе ирекле кием дисәң дә була. Ни өченме? Чөнки бездә бик суык. Шуңа күрә калын кофталар, курткалар киеп йөрибез.

Азалия Сабитова, Тукай районы:

– Безгә алай ирекле киемнән йөрсәгез ярый диеп әйткәннәре юк. Уку  ел ахыры, 25 нче майга кадәр, безнең мәктәп формадан килү яклы. Ә имтихан бирүче сыйныфларга бу  таләпне бозсаң да ярый.

Рәйсә Абдуллина, Балтач районы:

– Ә без үлә-бетә имтиханнарга әзерләнәбез.  Кием турында уйлаган кеше юк та. Нәрсә туры килә, шуны киясең. Ә болай, гимназиябездә бакча эшләре башланганга күрә, бөтен сыйныфлар да эш киеменнән килә.

Айгөл Хәйруллина, Чаллы шәһәре:

– Соңгы көннәрдә форма киясе килми шул. Инде укулар беткән, билгеләр чыга, ирекле формадан барасы килә. Шулай киенеп барганда мәктәптә бүтән атмосфера, җиңеллек. Укырга түгел, бәйрәмгә барган кебек.

Следите за самым важным и интересным в Telegram-каналеТатмедиа

Безнең телеграм каналга язылыгыз «Көмеш кыңгырау»


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев