Минзәлә шәһәренең 2 нче урта мәктәбенең 7 сыйныф укучысы Раил Шакиров Идел буе Болгар дәүләтендә ислам динен кабул итүнең 1100 еллыгына багышланган фотоконкурста 1 урын алды. Бу хакта «Минзәлә» газетасы хәбәр итә. Раилнең җитәкчесе – И.Р. Муллин.

Профессиональ фотографлар һәм журналистлардан торган жюри 150дән артык заявканы бәяләде. Раилнең «Яраткан урыннар», «Хатирәләр елгасы», «Су - яшәү чыганагы» эшләре сериясе «Туган як табигате» номинациясендә иң яхшысы булды.

30 июньдә Россия ислам институтында узган тантаналы чарада Раил диплом һәм акчалата бүләк белән бүләкләнде, диелә хәбәрдә. 

Бу хакта тулырак: https://tatar-inform.tatar/news/minzala-ukucysy-islam-dinen-kabul-ituga-1100-el-tulu-unaennan-fotokonkursta-inu-yaulady-5856860