Мәскәүдә Россия гимны безнең егетләр – Кукмара баскетбол командасы хөрмәтенә яңгырады

25нче сентябрь көнне Мәскәүдә Россия гимны безнең егетләр  – 11 кешедән торган Кукмара баскетбол командасы хөрмәтенә яңгырады. Әле күптән түгел генә Бөтенроссия мәктәп баскетбол Чемпионатының җиңүчеләре, ягъни Россия чемпионнары исемен алган спортчыларыбыз тагын да югарырак баскычка күтәрелде. Алар, Россия исеменнән чыгыш ясап, үзләрен “КЭС-БАСКЕТ” беренче Халыкара Суперкубокта да иң яхшылар икәнен расладылар һәм Кукмарага җиңү белән кайттылар.
Тренерлары – Руслан Шәймәрданов, Эдуард Васильев, Альмир Төхвәтуллин.
Халыкара Суперкубокның иң яхшы биш уенчысы исемлегендә безнекеләрдән Илфар Садертдинов һәм Булат Хөрәмшин да бар.

 Котлыйбыз, горурланабыз!

фото: kes-basket.ru