Марат Яруллин: «Кыш Бабайдан яңа җырларымнан торган лирик альбом сорадым»

Хөрмәтле «Көмеш кыңгырау» газетасын яратып укучылар! Мин, Марат Яруллин, сезне чын күңелемнән якынлашып килүче яңа 2024 ел белән котлыйм. Яңа елда сау-сәламәт булып, зур уңышларга ирешеп, яхшы билгеләргә генә укып, әти-әниләрегезне сөендереп яшәгез. Кыш Бабайдан сораган бүләкләрегез сезгә килеп җитсен, теләгән изге теләкләрегез тормышка ашсын. Мин дә сезнең кебек чагында җырчы булсам иде, дип теләгән идем. Һәм, күргәнегезчә, бу хыялым тормышка ашты. Ә быел мин Кыш Бабайдан яңа җырларымнан торган лирик альбом сорадым. Бу теләгемне дә тормышка ашырыр дип өметләнәм. Сезнең дә барысы да алда. Уңышлар һәммәгезгә!

Марат Яруллин.