Быел тикшерү эшләре нәкъ 10 һәм 11 сыйныфларда башлана. 1нче марттан 25нче мартка кадәр унынчы сыйныф укучылары география, унберенче сыйныф укучылары — тарих, биология, география, физика, химия, чит телләр, социаль-гуманитар фәннәр буенча бердәм тикшерү эше язачак.

Унберенче сыйныф укучыларының тикшерү эшләре БДИ формасында тапшыру өчен сайлап алынмаган предметлар буенча гына үткәрелергә тиеш.

4-8 сыйныф укучылары өчен Бөтенроссия тикшерү эшләре 2023 елның 15нче мартыннан 20нче маена кадәр узачак. Һәр параллельдә рус теле һәм математика буенча эшләр мәҗбүри.

4нче сыйныфларда шулай ук «Әйләнә-тирә дөнья» буенча, 7нче сыйныфларда чит тел буенча тикшерү эшләре язачаклар.

6-8 класс укучыларын очраклы сайлау нигезендә тагын ике эш көтә.

6нчы сыйныфлар өчен тарихтан, биологиядән, географиядән һәм җәмгыять белеменнән «пар» сайлаячаклар, 7нче сыйныфлар өчен — тарих, биология, география, җәмгыять белеме һәм физикадан.

8нче сыйныфларда сайлау өчен  тарих, биология, география, җәмгыять белеме, физика һәм химия булачак.

5-8 нче сыйныф укучыларының тарих, биология, география һәм җәмгыять белеме буенча эш язу мөмкинлеге булачак. Моның өчен расписаниедә  4нче апрельдән 17нче апрельгә кадәрге чор һәм резерв көн — 18нче апрель каралган.

2023 елда беренче тапкыр математика һәм физика буенча тирәнтен дәрәҗәдәге ВПР уздырылачак. Алар әлеге предметларны тирәнтен өйрәнү белән 7 һәм 8 сыйныфларда узачак.

magarif-uku