Мәктәп укучыларын «Комиксханә» бәйгесендә катнашырга чакыралар

Бәйгене «Ялкын» журналы белән Мәгариф һәм Фән министрлыгы үткәрә. Партнерлар: «Алдынгылар хәрәкәте», Язучылар берлеге һәм Рәссамнар берлеге.

Эшләрне өч номинациядә җибәрергә була:

• Әдәби әсәр: комикста татар классик әдәби әсәре яки әкияте сюжеты булыра тиеш.
• Танылган шәхес: легендар татарларның тормыш юлын чагылдырган комикслар (җырчы, модель һәм хәтта хоккеистлар белән булса да ярый)
• Ирекле тема: мәктәп, дуслар, беренче мәхәббәт, музыкантлар, ясалма интеллект, «Ялкын», песиләр, тирә-юньдә булган вакыйгалар һ.б. 

Бәйгедә 5-11 сыйныф укучылары аерым яки сыйныф белән бергә катнашырга мөмкин.

Комиксларны 30нчы сентябрьгә кадәр yalkin@bk.ru электрон адресына җибәрерге кирәк.

Безнең телеграм каналга язылыгыз «Көмеш кыңгырау»