«Көмеш кыңгырау»лы балачагыгызны сагынып искә алырсыз

«Көмеш кыңгырау»га минем яшүсмер чакта интервью биргәнем бар иде. Зур фото белән беренче биттә чыкканым да булды. Газета безнең өйгә гел килә иде, көтеп ала идем мин аны. Заманында әтием «Көмеш кыңгырау» белән бергә концертлар да куеп йөрде. Менә шуңа күрә бик якын миңа бу газета.

Кадерле «Көмеш кыңгырау» укучылары! Сез дә «Көмеш кыңгырау»лы балачагыгызны сагынып искә алырсыз, дип ышанам мин! Тырышып укыгыз, үз юлыгызны эзләгез, шул очракта киләчәгегез дә матур булыр.