«Көмеш кыңгырау» газетасы редакциясе җиңүчеләр рәтендә!

Башкалабызда «Татмедиа» республика матбугат һәм массакүләм коммуникацияләр агентлыгында Татарстан Республикасында яшәүче халыкларның мәдәниятен, телләрен, традицияләрен саклап калуга һәм үстерүгә багышланган проектлар булдыру һәм аларны тарату өчен грант алуга республика конкурсында Җиңүче исеменә лаек булган редакцияләрне бүләкләү тантанасы булды. Жиңүчеләр арасында «Көмеш кыңгырау» газетасы редакциясе дә бар. Бәйгедә җиңеп, грантка ия булган редакцияләрне Марат Әхмәтов һәм Айдар Сәлимгәрәев тәбрикләде.
ТР президенты каршындагы туган телләрне саклау комиссиясе рәисе Марат Әхмәтов «Көмеш кыңгырау» газетасы баш редакторы Ризидә Гасыймовага лаеклы бүләген тапшырды.