Кечкенәдән эшкә өйрәнеп үсәбез

    Укытучыбыз Сабирҗанова Хәлимә Фагалевна яшелчәләрнең безнең тормышта әһәмияте турында сөйләде, алар составында углеводлар, тозлар, витаминнар барлыгын аңлатты. Яшелчәчелек Россиядә кайчан барлыкка килгәнен дә әйтте. Китапханәче Халидә апа яшелчәләрдән мул уңыш алу серләре: орлыкларны дөрес сайлау һәм чәчү өчен әзерләү буенча бик күп киңәшләр бирде. Укытучыбыз Фәния Рауисовна помидор орлыкларын чәчү буенча осталык дәресе уздырды, туфракны дөрес әзерләү, чәчү тирәнлеген сайлау буенча киңәшләр бирде, ә без ничек итеп әти-әниләргә яшелчә үстерергә булышуыбыз турында сөйләдек. 

       Гәптелхәева Алинә, Арча районы Ак-Чишмә башлангыч гомумбелем мәктәбенең дүртенче сыйныф укучысы