Казаннан Сәид Галиуллин «Голос.Дети» проектында барлык остазларны үзенә каратты

Казаннан 12 яшьлек Сәид Галиуллин «Голос.Дети» проектында катнашып, барлык остазларны борылырга мәҗбүр итте. Жюри әгъзаларының берсе Дима Билан катлаулы композициянең мондый чиста башкарылуын күптән ишеткәне булмавын билгеләп үтте. Сәид үзе JONY командасын сайлады. Ул аның җитәкчелегендә шоуда катнашуын дәвам итәчәк.

«Голос.Дети» — яшь артист өчен беренче тәҗрибә түгел. Элегрәк ул «Лучше всех!» тапшыруында катнашып, анда татар телендә җыр башкарган иде.

Без ул вакытта Сәид белән очрашып, әңгәмә корган идек.

Әңгәмәнең видеовариантын шушы сылтама аша карый аласыз ► https://vk.com/komesh_kingiray?w=wall-86120713_35364

Фото – видеодан скриншот.