Казанда укытучыларга һәйкәл куелачак

Татарстанда Укытучылар һәм остазлар елын тантаналы ябу чарасында Татарстан Рәисе Рөстәм Миңнеханов Казанда укытучылар хөрмәтенә һәйкәл ачылачагын җиткерде.

«Казан яр буенда укытучылар хөрмәтенә сквер төзү һәм һәйкәл ясау эше башланды. Без аларны җәй көне ачарбыз. Шулай ук Казан университетында „Белем“ музее ачылачак. Безнең тарафтан яшь укытучылар өчен „Безнең яңа укытучы“ грантын кире кайтару карары да кабул ителде», — диде Рәис.

Рөстәм Миңнеханов Татарстанда колледж укытучыларына яңа ноутбуклар биреләчәген дә әйтте.

«Быел 36 мең укытучы яңа ноутбуклар алды. Колледж, техникум укытучылары өчен дә бу мәсьәләне чишәрбез», — диде ул.

https://tatar-inform.tatar