Казанда шахмат буенча Россия балалар Кубогы этабы узды

Казанда Н.И.Мөхәммәдҗанов истәлегенә малайлар һәм кызлар арасында шахмат буенча Россия Кубогы этабы узды.

Турнирда 9-13 яшьлек малайлар һәм кызлар һәм 15 яшькә кадәрге егетләр һәм кызлар катнашты. Ярышлар 10-16 гыйнвар көннәрендә оештырылды. Турнирда Россиянең 13 төбәгеннән 280 шахматчы катнашты. 

Җиңүчеләр акчалата бүләкләрдән тыш, Казан зооботаника бакчасына һәм Казанның Яшь тамашачы театрына билетларга ия булды.

Турнирда «Иң яхшы һөҗүм» һәм «Иң яхшы комбинация» номинацияләрендә, шулай ук иң яшь шахматчыларга призлар каралган иде.

Иң яхшы һөҗүм өчен бүләкне Марк Нәфыйгов (Татарстан Республикасы), иң яхшы шахмат комбинациясе өчен Татьяна Имыхелова (Бурятия Республикасы) алды.

Иң яшь шахматчылар – Радель Гәрәев һәм Айсылу Госманова (Татарстан Республикасы).

minsport.tatarsta