Казанда «Роберт Миңнуллин Сабан туе» үтәчәк

14 август көнне сәгать 12:00дә «Татмедиа» бинасы янындагы скверда (Декабристлар ур., 2нче йорт) Татарстанның халык шагыйре, журналист, җәмәгать һәм дәүләт эшлеклесе Роберт Миңнуллинның 75 еллыгына багышланган «Роберт Миңнуллин Сабан туе» дип исемләнгән иҗади бәйрәм үтәчәк. Бу хакта «Сабантуй» журналының телеграм каналында хәбәр ителә.

«Роберт Миңнуллин Сабан туе»ның программасына:

• #миннулинукыйм флешмобында җиңүчеләрнең чыгышлары;  
• Китап ярминкәсе;  
• Балалар өчен сабантуй;  
• «САБАНТУЙ» журналы презентациясе;  
• Шәп бүләкләр белән лотерея;  
• Винера Ганиева, Дилә Нигъмәтуллина,
• «Батыр егетләр» төркеме һәм «Салаватик»лардан бәйрәм концерты.