25нче ноябрь көнне 11 сәгатьтә Казанның «Мир» кинотеатрында «Милли мультfest» республика балалар кинофестиваленең бүләкләү тантанасы узачак.⁣⁣ Бу хакта Татарстан Мәдәният министрлыгының «ВКонтакте» социаль челтәрендәге сәхифәсендә хәбәр ителә.

Фестиваль Татарстанда өченче тапкыр уздырыла. Фестивальдә катнашу өчен республика районнарыннан һәм шәһәрләреннән 497 эш теркәлгән.⁣⁣⠀⁣⁣

«Милли мультfest» Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән «Татаркино» дәүләт бюджет мәдәният учреждениесе тарафыннан 2020 елдан башлап уздырыла, диелә хәбәрдә.

https://tatar-inform.tatar