Казанда «Древо жизни» проекты кысаларында татар мәдәнияте кичәсе узачак

2нче август көнне, 18.00 сәгатьтә, Горький исемендәге паркта «Древо жизни» проекты кысаларында татар мәдәнияте кичәсе узачак.

«Древо жизни» проекты чаралары кысаларында 19нчы июль көнне Горький исемендәге Үзәк мәдәният һәм ял паркында рус мәдәнияте бәйрәме узды.

Проектның төп максаты — Идел буе халыкларының туган телләрен һәм традицион мәдәниятен саклау һәм популярлаштыру.

19 июль көнне Казанда яшәүчеләр һәм шәһәр кунаклары рус халкының милли костюмнары, кухнясы, декоратив-гамәли сәнгате, халык уеннары һәм биюләре белән танышты. Теләге булган һәркем өчен балчыктан уенчык ясау, әвәләү, челтәр үрү, җеп эрләү, сакчы курчак ясау, хатын-кызларның традицион бизәнү әйберләре «борок» ясау буенча мастер-класслар оештырылды.

Бәйрәмдә Казан губернасының борынгы рус костюмнарының уникаль экспозициясе һәм Татарстан Республикасының рус бәйрәмнәренә багышланган фотоэкспозиция күрсәтелде.

https://t.me/kzn_official_tat