Казанда балалар өчен яңа парк барлыкка киләчәк

Татарстан Республикасы Президенты Рөстәм Миңнеханов Җиңү паркы территориясендә күчмә киңәшмә уздырды. Балалар паркын урнаштыру өчен тәкъдим ителгән мәйдан 13 гектар тәшкил итә. Бу «Кырлай» күңел ачу үзәге белән чагыштырганда ике тапкыр күбрәк. Территориянең шактый өлеше гаилә ялы өчен су янында йөрү зоналары булган парк рәвешендә булачак.

Моннан тыш, бүген «Казан» гаилә үзәге янындагы территорияне карап йөргәндә, Президент, шәһәр халкы һәм башкала кунаклары өчен аны уңайлырак итү өчен, җирлекне төзекләндерү буенча йөкләмәләр бирде.

Мәйданчыкта газон яңартылачак, эскәмияләр куелачак, шәһәр бәйрәмнәрен үткәрү өчен сәхнә куелачак, дамбадан алып касәгә кадәр ярны күтәрәчәкләр һәм тигезлиләр. Ә иң мөһиме, Ленин дамбасы буйлап Казан Кремленә турыдан-туры чыгу юлын оештыралар.

https://t.me/tatmediaofficial