Казанда ачык һавада кино күрсәтә башлыйлар

Казанда, Зәйни Солтан скверында, «Иске Татар бистәсендә гаилә киноканикуллары» проекты кысаларында җәй көне ачык һавада кино күрсәтүләр оештырыла. Бу хакта «Татаркино» сайтында хәбәр ителә.

Сессияләр 17 июньдә башланачак һәм җәй ахырына кадәр дәвам итәчәк. Һәр шимбә монда төрле темаларга нәфис һәм мультипликацион фильмнар карап булачак. Дуслык, маҗаралар, Ватан, сугыш турында 11 кинокартина әзерләнгән.

Беренче ике айда кино 21 сәгатьтә, август аенда 20 сәгатьтә башлана. Ачылыш көнендә Казан кешеләренә һәм башкала кунакларына «Иван Семенов: Школьный переполох» дигән гаилә комедиясе тәкъдим ителә. 

Бу хакта тулырак: https://tatar-inform.tatar/news/kazannyn-zaini-soltan-skverynda-17-iyunnan-acyk-havada-kino-kursata-baslyilar-5872386