Ижевскиның «Чулпан» театры Рүзәл Мөхәммәтшинның «Өрә белмәгән көчек» спектаклен куя

26нчы гыйнварда 13.00 сәгатьтә Габдулла Тукай исемендәге әдәби музейда Ижевск шәһәренең «Чулпан» балалар театры (җитәкчесе — Рәфилә Рәсүлова) Рүзәл Мөхәммәтшинның «Өрә белмәгән көчек» спектаклен тәкъдим итә.

«Спектакль Габдулла Тукай әсәрләренә нигезләнеп эшләнгән, туган телгә мәхәббәт, дуслык, тугрылык, батырлык кебек асыл төшенчәләр турында сөйли. Программада спектакль карау, әсәрнең авторы Рүзәл Мөхәммәтшин белән очрашу, Тукай музее буенча экскурсия була. Спектакль 4-10 яшьлек балалар өчен», — дип хәбәр итә Габдулла Тукай әдәби музее матбугат хезмәте.

https://tatar-inform.tatar