Җиңү белән кайтыгыз!

Бүгенге көндә Украинадагы махсус хәрби операциядә катнашучы егетебез Галиев Ильяс туган ягына кыска вакытлы ялга кайтты. Әлеге мөмкинлектән файдаланып, без аны Урта Сон мәдәният йортына очрашуга чакырдык. Ильясның иң беренче башлап әйткән сүзе, бу сугышның тизрәк төгәлләнүен телик, безне Җиңү белән көтегез, - диде. Киткән егетләребезнең һәрберсенә сәламәтлек теләп, якын арада аларның якыннары янына исән-сау әйләнеп кайтуларын теләп калабыз, - дип яза Мамадыш районы Урта Сон авылы мәдәният хезмәткәре Рәзинә Салахова.