Ачык ишек
InnoCTF Junior укучылар өчен компьютер куркынычсызлыгы буенча команда турнирына теркәлү ачылды
5әр кешедән торган командаларга тупланып, 9-11 сыйныф укучылары 30 сентябрьгә кадәр гариза бирә ала. Турнирның барлык этаплары 1-30 октябрьдә узачак.
Сайлап алу онлайн этабы 1-2 октябрьдә CTF task-based уен форматында узачак.
Командалар мәгълүмат куркынычсызлыгының төп категорияләреннән биремнәр — ОС администрациясе, криптография, челтәр трафигын анализлау һ.б. үтәячәк.
Катнашучыларга «флаглар» — парольләр, керү мөмкинлеге, шифрланган мәгълүматны анализлап, файллар, кушымталар һәм сайтлар табарга туры киләчәк.
Ярдәм өчен кирәкле файл яисә нинди дә булса ресурс һәм категориягә сылтама биреләчәк, ә бу исә проблеманы хәл итү өчен нинди белемнәр һәм инструментлар кирәк булачагын аңларга мөмкинлек бирәчәк. Катнашучылар өчен кулланыла торган программалаштыру телләрендә һәм инструментларда чикләү юк.
Биремнәр Иннополис Университеты методистлары тарафыннан партнер-компанияләр белгечләре белән эшләнде. Нәтиҗәләрбуенча иң яхшы дип табылган 10 команда финалга чакырыла.
Йомгаклау этабы 28-30 октябрьдә Иннополис Университетында узачак. Төп ярышлардан тыш, программада кибер куркынычсызлыкның актуаль проблемаларына багышланган оештыручыларның һәм чакырылган экспертларның мастцияләре һәм мастер-класслары булачак.
Теркәлү — innoctf.com/junior/2022
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев