Имтиханда калькулятор — ярыймы, юкмы?

Математика буенча төп дәүләт имтиханын биргәндә мәктәп укучыларына калькулятор кулланырга рөхсәт ителде. Россия укучылары 2024 елда математика буенча төп дәүләт имтиханы (ОГЭ) биремнәрен үтәгәндә программалаштырылмаган калькуляторны куллана алачак. 

Элегрәк, шул исәптән агымдагы елда, төп дәүләт имтиханы (ОГЭ) вакытында файдаланырга мөмкин булган укыту һәм тәрбия чараларын билгеләүче бүлектә, математика буенча ОГЭда калькулятор куллану да каралмаган. Ләкин әлеге җайланманы физика, химия һәм биология буенча имтиханнарда кулланырга мөмкин иде.