Яр Чаллыда «Леди МАМА-2024» узды

Халыкара хатын-кызлар көне алдыннан Яр Чаллы шәһәренең «Заман» яшьләр үзәгендә алтынчы тапкыр «Леди МАМА-2024» фестиваль-бәйгесенең финалы узды. Ул — иң гүзәл һәм талантлы әниләрне ачыклаучы бик матур бәйге. Быел фестиваль Гаилә елына багышланды. 
Финалга 15 әни килеп иреште. Алар төрле иҗади номерлар белән чыгыш ясадылар. Музыка, шигърият, театр, бию, спорт буенча сәләтләрен күрсәттеләр. Әниләрнең барысы да бик мөлаем һәм сәләтле булып чыкты. Гаиләләре аларга җан атып, ярдәм итеп утырды.
Ниһаять, жюри иң-иң күркәм, тапкыр, уңган-булган әнине билгеләде. Айгөл Салихова «Леди Әни» исеменә лаек булды.