«Глаголица» Халыкара балалар премиясенә эшләр кабул итү тәмамлана

11нче сентябрь көнне 23:59 сәгатьтә «Глаголица» Халыкара балалар премиясенә эшләр кабул итү тәмамлана. Конкурста яшь язучылар шагыйрьләр журналистлар һәм тәрҗемәчеләр катнаша ала. Бу хакта ТР Мәгариф һәм фән министрлыгы сайты хәбәр итә.

Бәйгедә катнашуның шартлары:

• 10-17 яшь
• Рус яки татар телендәге эшләр
• Номинацияләр: проза, поэзия, неформат (комикслар, пьесалар, инглиз теленнән рус теленә әдәби тәрҗемәләр, эссе.

Аерым номинация - «Мультилингвы», Россиядән читтә яшәүче балалар өчен.

Бәйгегә моңарчы беркайда да басылмаган эшләр генә кабул ителә. Әгәр дә эшлнең күләме 20000 билгедән артып китә икән, өзеген генә җибәрергә була. (Тулырак – нигезләмәдә https://www.glagolitsa-rt.ru/rules/)

Призовой фонд:

• Казанда язучылар катнашында үтә торган әдәби сменага бушлай путевка һәм "ТАУ" китап фестивалендә катнашу мөмкинлеге
• Планшетлар
• Китап җыелмалары
• Глаголица Альманахы  - финалистларның әсәрләреннән торган җыентык
• Бәллүр ябалак - Гран-при 

Теркәлү www.glagolitsa-rt.ru сайтында

Оргкомитет (843) 5610612, glagolitsa-rt@yandex.ru