Дүрт аяклы дусларыбызга Яңа ел күчтәнәче

Һәр ел декабрь аеның икенче атнасында “Шаянкай” 4нче балалар бакчабызда хуҗасыз калган эт һәм песиләр өчен азык җыю матур бер традициягә әйләнеп килә. Ә быел без җыеп кына калмадык, ә "Азира" дип аталган приютка кунакка да барып килдек әле. Тәрбияче апалар белән бергә балалар, аларның әти-әниләре барды. Шат күңел, күтәренке кәеф белән приюттагы эт һәм песиләргә бүләкләребезне калдырдык, анда эшләүче апа һәм абыйларны киләсе бәйрәм белән котладык. Кечкенә генә булса да, ярдәм күрсәтә алуыбызга без бик шат! 

Резеда ФӘЙЗИЕВА, Яр Чаллы шәһәре 4нче балалар бакчасы.