Укучыларга дәрестә фото һәм видео төшерүне тыярга җыеналар

РФ Дәүләт Думасында укучыларга дәресләрдә фото һәм видео төшерүне тыю мәсьәләсе карала. Дәресләр вакытында фото - һәм видео төшерүне педагог яки мәктәп җитәкчелеге карары белән генә рөхсәт итәргә тәкъдим ителә.

Кәрәзле телефоннарны куллану мәсьәләсе ел башында ук карала башлады һәм Чаллыда кайбер мәктәпләр дәрескә телефон алып килүне тыйды. 

"Дәресләр вакытында телефоннарны тыю турында карар мәктәп администрациясендә кабул ителә. Укучылар дәрес башланганда телефоннарын махсус ящикларга җыялар. Дәрес тәмамлангач, телефоннарны алалар", - дип шәрехләде Мәгариф идарәсе башлыгы Рөстәм Хуҗин.

chelny-izvest