Чаллыда Россиядә беренче профильле мәктәп барлыкка киләчәк

Ул Россиядә мондый төрдәге беренче мәгариф учреждениесе булачак. Эш НГПУ ярдәмендә җайга салыначак.

Сигезенче сыйныфтан биредә психологияне һәм педагогиканы мәҗбүри рәвештә укыта башлыйлар. 10 һәм 11 нче сыйныфларда барлык укулар да профильле булачак. Мәктәпнең планы – мәгариф өлкәсе өчен кадрлар әзерләү. Чыгарылыш сыйныф укучылары максатчан юнәлеш буенча Казан һәм Чаллы педагогия университетларына укырга керә алачаклар. Алар өчен шулай ук айлык стипендия – 15 мең сум түләү каралган. Уку тәмамлангач, алар җирле мәгариф учреждениеләрендә эшләргә тиеш булачак.

Әлеге проектның башлап йөрүчесе – НГПУ ректоры Әлфинур Галиәкбәрова һәм 42нче мәктәп директоры Вадим Матюшин. Алар икесе дә шәһәр Советы депутатлары.

42нче мәктәп 2019 елда төзелгән, Яшьлек микрорайонында урнашкан, Чаллыда иң эре мәктәпләрнең берсе булып тора.