Чаллыда “Татар малае - 2022”, “Татар кызы - 2022” шәһәр бәйгесенең финалы үтте

admin, 12 май 2022 - 12:13

1559

Чаллы шәһәренең 1нче балалар һәм яшьләр иҗат сараенда “Татар малае - 2022”, “Татар кызы - 2022” шәһәр бәйгесенең финалы үтте. Бәйгедә шәһәребезнең 1, 4, 12, 49, 56, 81, 82, 95, 111, 117нче балалар бакчаларыннан 10 конкурсант катнашты.

Чаллыда “Татар малае - 2022”, “Татар кызы - 2022” шәһәр бәйгесенең финалы үтте

Балалар визит карточкасы, сорауларга җавап бирү һәм иҗади номер этапларында үзара көч сынашты.

Һәр катнашучы үзенчә оста һәм бик тә матур чыгыш ясады. Жюри әгъзалары балаларны татар телен белү дәрәҗәсе, сәхнәдә үз-үзен тотышы, актерлык осталыгы һәм чыгышларның үзенчәлеге буенча бәяләде.

Нәтиҗәдә, катнашучылар «Иң матур сәхнә образы», «Иң тырыш малай» һәм «Иң тырыш кыз», «Иң талантлы малай, «Иң талантлы кыз», «Милли традицияләрдә тәрбиләнгән малай» һәм «Милли традицияләрдә тәрбиләнгән кыз» номинацияләренә лаек булды.

«Татар кызы - 2022» титулын 4нче балалар бакчаларында тәрбияләнүче Хәйбиева Азалия, ә “Татар малае - 2022” титулын 111нче балалар бакчаларында тәрбияләнүче Фәсхетдинов Самат яулады.