Чаллының «Мизаж» ансамбле Рөстәм Бикмуллин ис. республикакүләм фестивальдә беренче урын алды

Чаллы шәһәре 2нче гимназиясенең «Мизаж» вокаль ансамбле Рөстәм Бикмуллин исемендәге ХХl республикакүләм яшьләр җыр-шигърият фестивалендә беренче урын яулады. Ансамбльнең җитәкчесе – Вәлиев Марат Минсабир ул.

2нче гимназиянең «Ике яр», «Мизаж» вокаль ансамбльләре чыгышларын әлеге фестивальдә алкышларга күмделәр.

«Мизаж» вокаль ансамблендә шөгыльләнүче кызлар Ишалина Айсылу, Вәлиева Мәликә, Солтанова Гүзәл, Шакирова Әминә, Ибрагимова Рената яшьләр яратып тыңлый торган популяр җырларны инглиз теленнән татар теленә тәрҗемә итеп җырлыйлар.

«Мизаж» вокаль ансамблен уңышлы чыгышлары белән ихлас котлыйбыз.