Чаллының яшь актерлары Бөтенроссия театрлар фестивалендә җиңү яулады

Чаллының «Подмастерья» студиясе талантлары Екатеринбургта узган «Театральный перекресток 2023» XIII Бөтенроссия балалар-яшүсмерләр һәвәскәр театрлары фестивалендә гран-при алды.

Бөтенроссия фестиваленең жюри әгъзалары «Комната Росла» спектаклен югары бәяләде һәм Гран-при белән бергә аларга тагын җиде бүләк тапшырды.

Азот роле өчен Александр Литовченко, әни роле өчен Ярослава Яськова, әти роле өчен Амаль Хайдуков, Надежда роле өчен Алина Хафизова, Алиса роле өчен Эмилия Шахова дипломнар белән бүләкләнде.

Дәрәҗәле дипломнарга шулай ук спектакльнең режиссеры һәм актерлык осталыгы буенча педагог Марина Геннадьевна Кулясова һәм сәхнә сөйләме буенча педагог Марина Владимировна Кочурова лаек булды.

https://nabchelny.ru