Чаллыда «Мәктәп – белем учагы» III региональ нәфис сүз бәйгесен йомгакладылар

30нчы октябрь көнне Чаллы шәһәренең 21нче гомуми белем бирү мәктәбе актлар залында «Мәктәп – белем учагы» III региональ нәфис сүз бәйгесен йомгак ясау тантанасы узды.

Чаллы шәһәренең төрле мәктәпләреннән, Минзәлә, Алабуга, Бөгелмә районнарыннан килгән балалар сәхнәдән мәктәпкә, укытучыларга багышлап язылган шигырьләрне сәнгатьле итеп сөйләп, көчләрен сынаштылар. Җиңүчеләр диплом белән бүләкләнделәр. 

Чарада укытучылар, әти-әниләр, язучылар: Әлфия Ситдыйкова һәм Лилия Гыйбадуллина катнаштылар.