Чаллыда яшүсмерләр өчен «Инициатива» төбәк слеты үтәчәк

Слетны Чаллының «Яшүсмер» үзәге «Яшьләр вакыйгалары марафоны» проекты кысаларында үткәрә. Әлеге проект 2023 елның гыйнварында ТР Яшьләр эшләре министрлыгының грант конкурсында җиңүче булды.

Слет 22-24 сентябрьдә Чаллы шәһәренең "Звездный" сәламәтләндерү лагере базасында узачак. Анда ТР яшьләр клублары тәрбияләнүчеләре һәм тәрбиячеләре катнаша. Барлыгы 14 яшьтән алып 17 яшькә кадәрге 100дән артык катнашучы киләчәк. 

Слетта Казан, Түбән Кама, Әлмәт, Алабуга, Мамадыш һ. б. шәһәр һәм районнардан барлыгы 9 делегация катнашыр дип көтелә.

Программада:

• нетворкинг
• квестлар
• тренинглар
• квиз-уен
• дискотекалар
• социаль проектларны яклау, иң яхшы проект авторларын бүләкләү булачак.