Чаллыда беренче тапкыр «Кама аръягының яшь моделе 2022» бәйгесе үтте

Чаллыда беренче тапкыр «Кама аръягының яшь моделе 2022» дигән балалар региональ конкурсы узды. Бу хакта «Челнинские известия» сайты хәбәр итә.

Финалда 7 яшьтән алып 14 яшькәчә 22 кыз катнашты. Җиңүчеләрне өч яшь категориясендә билгеләделәр.

7-9 яшьлекләр арасында беренче урынны Ясминә Газизова, икенче урынны – Яна Кудимова, өченче урынны – Алета Безбокова яулады.

10-11 яшьлекләр категориясендә: беренче урында – Сафия Хөснетдинова, икенче урында – Валерия Рассадкина, өченче урында – Элина Сибгатуллина.

12-14 яшь: беренче урында – Мәдинә Газизова, икенче урында – Нэлли Красноперова, өченче урында – Николь Панькова.

Катнашучылар ай буе дефиле, фотога төшү, хореография һәм вокаль-театр осталыкларына өйрәнделәр.

Җиңүчеләр өчен төп бүләк – Казан журналында басылу. Призлар арасында шулай ук балалар өчен җиһазлары, күңел ачу чараларына, мастер-класслар, фотосессия өчен сертификатлар бар.

Конкурсны «LS Models School» модель мәктәбе оештыра, ул шулай ук ел саен «Яр Чаллы гүзәле» шәһәркүләм конкурсын үткәрә.