Бу респиратор чирләр башка балаларга йокмасын өчен эшләнә.
Чаллыдагы 42нче мәктәптә ике башлангыч сыйныф балалары 7 көн буена мәктәпкә килмичә торалар. Бу турыда «Чаллы ТВ» сайтында язалар.
Әлегә шәһәрдә карантинга ябылган уку йортлары юк, ләкин грипп һәм ОРВИ белән авыручылар саны 20% тан артык булса, мәктәп җитәкчелеге бу турыдагы карарны мөстәкыйль рәвештә кабул итә. 7-10 көн мәктәпкә бармый тору вирусның таралуын туктатырга мөмкинлек бирә.
Грипп һәм ОРВИдан саклану чараларын исегезгә төшерәбез:
- Уку һәм ял итү режимын саклау, артык аруны булдырмау, саф һавада йөрү, җитәрлек йоклау һәм яхшы ашау;
- иртәнге гимнастика һәм физик күнегүләр ясау;
- авырый торган кешеләр белән, мөмкин булганча, азрак аралашу;
- ашар алдыннан, урамнан кергәч, авыру кеше белән аралашканнан соң кулларны яхшылап юу;
- бүлмәне ешрак җилләтү, идәннәрне юеш чүпрәк белән юу;
- кеше күп булган урыннарга бармый тору;
- борынны һәм тамакны көненә ике-өч тапкыр чайкау.
Безнең телеграм каналга язылыгыз «Көмеш кыңгырау»
Нет комментариев