Чаллы театры кызлар өчен «Матур» клубы ача

Чаллы татар дәүләт драма театры яңа проект башлап җибәрә. Ул «Матур» кызлар клубы дип атала.
Клуб 10-14 яшьлек кызларны һәрьяклап үстерүгә юнәлдерелгән, аларга талантларын ачуда һәм үз-үзләренә ышанычларын үстерүдә ярдәм итәчәк, дип яза Чаллы театры сайты.

Клубка йөрүче кызлар өчен

• Атна саен хореография дәресләре;
• Лидерлык һәм аралашу күнекмәләрен үстерүгә юнәлдерелгән белем бирү дәресләре;
• Кызларга үз тирәсендәге дөньяны аңларга һәм күзаллауны киңәйтергә ярдәм итә торган кызыклы лекцияләр һәм актуаль темаларга дискуссияләр;
• Иҗади фикерләүне үстерүче мастер-класслар;
• Тәҗрибәле педагоглар һәм тренерлар тарафыннан ярдәм оештырылачак.

«МАТУР» клубын тәкъдим итү 29 август көнне узды. Бирегә кызлар үзләренең әниләре белән килгән иде. Алар өчен психолог, бизнес-тренер Анастасия Сабитова һәм блогер, фотограф Светлана Панькова катнашында беренче мастер-класс оештырылды.

Клуб эшчәнлеге барышында бер ел эчендә кызлар шәһәрнең иң яхшы 64 эксперты белән шәхсән танышачак. Элемтә өчен телефон: 89172263614 (Луиза), WhatsApp: https://wa.me/79172263614

https://vk.com/chelnyteatr