Чаллыда Татарстан мөселманнары Диния нәзарәте каршында балалар һәм өлкәннәр өчен Ислам өстәмә белем бирү үзәгенең беренче презентациясе булды. Бу хакта «Челнинские известия» хәбәр итә.

Тантана Чаллы шәһәре имам-мөхтәсибе Әлфас Гайфуллин, имам-мөхтәсиб урынбасары Илдар Зияров, шулай ук шәһәрнең утыздан артык эшмәкәре катнашында узды.

Бина шәһәр үзәгендә урнашкан. Элегрәк ул «Хәзинә» гаилә-ял итү үзәгенә кергән иде. Быелның ноябрендә ребрендингтан соң «Тәрбия» үзәге аерым эшли башлады.

Үзәккә 200 бала йөри. Аларга уен формасында ислам нигезләрен укыталар, татар мәдәнияте, тарихы турында сөйлиләр. Балалар мастер-классларга йөри, квестларда һәм викториналарда катнаша.

https://tatar-inform.tatar

Фото: http://dumrt.ru