Чаллы мәктәпләрендә кышкы каникулны озайтырга җыенмыйлар.

"Челнинские известия" басмасы хәбәр иткәнчә, әгәр дә ата-аналар бүген балаларын мәктәпкә китергәннәр икән, алар өенә кайтарып җибәрелмәячәк. Өйдә калучыларга да килмәгән өчен җәза бирелмәячәк. Алар белән өстәмә дәресләр уздырылырга яисә аларга проект эшләре бирелергә мөмкин.

Һава температурасы -25 градус һәм аннан түбән булганда балаларны мәктәп автобуслары белән йөртү һәм шәһәр читенә алып чыгу тыела.

• Исегезгә төшерәбез, алдан хәбәр ителгәнчә Татарстанның кайбер мәктәпләрендә каникул язгы каникул хисабына 2 көнгә озайтылды.

https://tatar-inform.tatar/news/cally-maktaplarenda-kysky-kanikulny-ozaityrga-yenmyilar-5865322