Чаллы китапханәләрендә «Гаилә. Китап. Китапханә» дигән чаралар үтәчәк

25нче сентябрь көнне Чаллы шәһәр китапханәләре китаплар, әдәбият һәм сәнгать дөньясына сәяхәт тәкъдим итә. Бу көнне китапханәләрдә «Гаилә. Китап. Китапханә» дигән исем астында кызыклы чаралар үтәчәк  дип хәбәр итә Чаллы үзәкләштерелгән китапханәләр системасының матбугат хезмәте.

Китапханәчеләр төрлә чаралар һәм күргәзмәләр әзерләячәкләр. 

Шәһәр үзәк китапханәсендә «Ләйсән» әдәби иҗат берләшмәсе әгъзасы, шагыйрә Рәзинә Сәетгәрәева белән мавыктыргыч әдәби шигъри очрашу узачак. Биредә шигырьләр тыңларга һәм талантлы автор белән аралашырга мөмкин булачак.

Китаплар арасында, уңайлы атмосферада вакытыгызны уздырыр өчен, Ачык ишекләр көненә рәхим итәгәз. Керү ирекле.

Тулырак мәгълүмәт белән китапханәнең сайтында таныша аласыз: библиотека-челны.рф

Кузнецова Ләйсән, шәһәр үзәк китапханәсенең китапханәчесе.