Бүген Татарстан Милли музеена һәм аның филиалларына бушлай керергә мөмкин булачак

6 июнь көнне казанлылар һәм республика башкаласы кунаклары Татарстан Милли музеена һәм аның филиалларына бушлай керә алачак. Бу көнне Габдулла Тукай әдәби музеена, А.М.Горький һәм Ф.И.Шаляпин музеена, В.И.Ленинның музей-йортына, Муса Җәлилнең музей-фатирына, Е.А.Боратынскийның музей-йортына, 1941-1945 еллардагы Бөек Ватан сугышы музей-мемориалына һәм Шәриф Камалның мемориаль фатиры белән татар әдәбияты тарихы музеена керү бушлай булачак.  Экскурсияләр, мастер-класслар, музей программалары прейскурант буенча түләнә.

https://matbugat.ru/news/?id=40881