Бүген Казанда «Хәрәкәттә – бәрәкәт» проектының яңа сезоны ачыла

Тамашачылар «Аваз» музыкаль-бию импровизациясен карап, фольклор уен коралларын өйрәнү буенча остаханәдә катнаша алачак. 

«Бүгенге чара «Кичке уен» форматында узачак. «Хәрәкәттә – бәрәкәт» проектының бию дәресләрендә катнашучылар татар халык биюе хәрәкәтләрен өйрәнү белән беррәттән, музыка уен кораллары белән дә таныша алачак. Быелгы җәйдә барлык дәресләр дә пәнҗешәмбе көннәрендә кичке сәгать алтыда Камал театры янәшәсендә узачак. Былтыр чаралар Казанның төрле урыннарында оештырылды.

Бу хакта тулырак: https://tatar-inform.tatar/news/bugen-kazanda-xarakatta-barakat-proektynyn-yana-sezony-acyla-5872396