Биләрдә «Сәләт»форумының өченче сменасы ачылды

Бу хакта ТР Яшьләр эшләре, спорт һәм туризм министрлыгында хәбәр иттеләр.

«Иң зур көч – сезнең үзегездә. Үз талантларыгызны ачыгыз һәм үзегезне күрсәтегез. Биредә белемгә омтылучы шулкадәр бала җыелуына мин бик шат", - дип чыгыш ясады ТР Яшьләр эшләре буенча министры Тимур Сөләйманов.

Шулай ук ул бу көннәрдә Кырымда, яңа базада «Сәләт-Ак Барс»ның беренче сменасы узуын билгеләп үтте. 

«Сәләт үсә, һәм сез аның белән бергә яңа максатларга ирешү өчен яңа мөмкинлекләр аласыз», - дип ассызыклады министр.