Безне тәрбияләп үстергән газет хәзер улларыбызны үстерә

Бәләкәй чактан «Көмеш кыңгырау» укып үстек. Хат ташучы апаны авыл башыннан сагалап көтеп тора идек. Ул чакта газетта танышу-дуслашу рубрикасы бар иде. «Көмеш кыңгырау»ны укучы балалар үз адресларын җибәрә, үзара хат алышабыз. Кыштырдатып хат язышу, хат алышу чоры бит. Мин Кама Тамагыннан Лилия исемле бер кыз белән дуслаштым шулай... Безне тәрбияләп үстергән газет хәзер улларыбызны үстерә. «Көмеш кыңгырау»ны туган көне белән котлыйм! Киләчәктә дә бергә булыйк!