«Без уенда. Җәй»: Казанда кызлар өчен футбол фестивале узачак

«Хезмәт резервлары» стадионы кырында 18 нче августта 10:00 сәгатьтә кызлар өчен «Без уенда. Җәй» футбол фестивале ачылачак. Аны Россия футбол берлеге оештыра.

Катнашуга, әзерлек дәрәҗәсенә һәм туп белән уйнау күнекмәләренә карамастан, 7 яшьтән 12 яшькә кадәрге яшь спортчылар чакырыла. Махсус эшләнгән программа профессиональ тренерлар белән бергә берничә футбол алымнарын эшләргә һәм үзеңне команданың бер өлеше итеп тоярга мөмкинлек бирәчәк. Моның өчен сылтама буенча алдан теркәлергә кирәк, катнашу бушлай. 

Чарада РПЛ, Суперлига, ФНЛ клублары, шулай ук Россия җыелма командалары футболчы кызлары һәм егетләре катнашачак. Димәк, һәр кыз яраткан спортчысы белән шәхсән таныша һәм аралаша ала, дип хәбәр итә Татарстан Спорт министрлыгы.