Алинә Заһитова Казан яшьләренә үзенең уңыш тарихын сөйләячәк

Казанда, «УРАМ» экстрим-паркында, 29 июньдә фигуралы шуу буенча олимпия чемпионы, Россиянең атказанган спорт мастеры Алинә Заһитова белән очрашу була. Чараны Россиянең «Белем» җәмгыяте оештыра.

Спортчы чемпион характерын тәрбияләү һәм спортта карьера төзү турында сөйләячәк, үзенең уңыш тарихы һәм шәхси киңәшләре белән уртаклашачак. Чарада теләге булган һәркем катнаша ала.

Очрашу «УРАМ» яшьләр экстрим-паркында (Кремль яр буе, 33) 17.00 сәгатьтә башлана.

Фото: © «Татар-информ», Салават Камалетдинов

Чыганак: https://tatar-inform.tatar