5нче ноябрьдә Татарстан Милли музеена һәм аның филиалларына бушлай керергә мөмкин булачак

Казан халкы һәм кунаклары 5нче ноябрьдә Татарстан Милли музеена һәм аның филиалларына бушлай бара алачак. Гадәт буенча акция айның һәр беренче сишәмбесендә уза.

Бу көнне А.М. Горький һәм Ф.И. Шаляпин музеенда, Е.А. Боратынский музеенда, В.И. Ленин музей-йортында, Габдулла Тукай Әдәби музеенда, 1941-1945 еллардагы Бөек Ватан сугышы Музей-мемориалында, Шәриф Камал мемориаль фатиры булган татар әдәбияты тарихы музеенда һ.б.ларда кунакларны түләүсез кабул итәчәкләр.

Экскурсияләргә, мастер-классларга һәм музей программаларына бару өчен билет алырга кирәк. Тулырак мәгълүматны +7(843) 590-00-50 телефоны буенча белергә була, дип хәбәр ителә учреждениенең матбугат хезмәтендә.

Чыганак: https://tatar-inform.tatar