2024 Яңа ел каникуллары кыскарырмы?

Россия Хөкүмәте 2024 елга ял һәм бәйрәмнәр графигын раслады. Аның нигезендә, быел Яңа ел каникуллары 30 декабрьдә башланып, 8 гыйнварга кадәр дәвам итәчәк. 

Февраль аенда Ватанны саклаучылар көне уңаеннан, 23, 24, 25 февраль көннәрендә ял көтелә. 

8 мартта да өч көн бәйрәм итәчәкбез: 8-10 март көннәре ял дип игълан ителә. 

27 апрель, шимбә булуга карамастан, ватандашларыбыз 29 апрель көне өчен эшләячәк. 2 ноябрь ялы 30 апрельгә күчергәнлектән, 1 май бәйрәме уңаеннан 4 көн эшкә барасы булмый (28 апрель - 1 май). 

Җиңү көнен дә 4 көн бәйрәм итәчәкбез. Календарьда киләсе елда  9-12 май "кызыл" белән бирелә. Сәбәбе - 6 гыйнварның ялы 10 майга күчерелү белән бәйле. 

Июньдә бәйрәмнәр азрак. Россия көне уңаеннан гына 12 июнь ял булачак. 

Ноябрьдә 3,4 числоларда эшкә барасы булмый. 

Ел азагында ил халкын 6 көннең эш атнасы көтә. 28 декабрь - шимбәне 30 ына күчерәләр. Ә 31 декабрьгә 7 гыйнвар ялы күчә. Димәк, 2024 елда Яңа ел каникуллары 29 декабрьдә үк башланачак. 

Бу хакта https://shahrikazan.ru/ хәбәр итә.