«Үскәч җырчы булам!» – ди Эмилия

Музыка тыңлау хәтерне яхшырта һәм сөйләмне баета икән. Димәк, музыка тыңлаган саен, акылларак буласың килеп чыга. Чаллы кызы Эмилия Гатауллина – бу фикернең дәлиле инде.

Эмилиягә биш кенә яшь әле. Чаллының 108нче «Бәхетле балачак» бакчасына йөри ул. Кызчык җырлар тыңларга ярата, кушылып җырлый да. Әнә шул осталыгы белән социаль челтәрләрдә дан казанган. Җыр сүзләрен бик җиңел истә калдыра, ике-өч тыңлау да җитә икән аңа. «Үскәч җырчы булам», дип хыяллана Эмилия.

Аның тагын бер үзенчәлеге – бик матур озын толымнары. Әллә музыка тыңлау чәчләрне дә тизрәк үстерә микән ул? Булмас димә!..  

Бу санда сез танылган блогер Рәзил Борчак белән әңгәмә (әңгәмәдәш - Әмир Фәрхуллин) һәм башка кызыклы язмалар белән таныша аласыз.