Шигърият
Туган җирем (Ренат Харис шигыре)
6нчы майда татар шагыйре Ренат Харис туган.
ТУГАН ҖИРЕМ
Һәрбер чишмәң синең көй чыгара,
Һәр инешең җырга әйләнгән.
Үләндәге һәрбер чык тамчысы
Әверелә нурлы сәйләнгә.
Һәр сукмагың синең — шигырь юлы,
Зур күмәк хор һәрбер урманың —
Гомер буе күрәм мин аларның
Мәдхияләр җырлап торганын.
Алар — сиңа, сиңа, туган җирем!
Лаеклыга тиеш лаеклы!
Ничек кенә, гасырлар юлында,
Саклап калыйк мондый байлыкны?!
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев