Өзмәдем

Әллә яңгыр булганга,

Гөмбә тулган урманга.
Әкәмәт!
Шаккаттым мин -

Йөзләп гөмбә таптым мин!
Берсеннән-берсе эре,

Эрерәк тапкан бере!
Миннән ләкин көлмәгез -

Кайтып киләм гөмбәсез.
Тырысым буп-буш минем,

Ә күңелем хуш минем!
Тик йөрмәдем тик кенә,

«Тапмадым шул» дип кенә.
Чынлап гөмбә эзләдем,

Тик берсен дә өзмәдем.
Өзмәдем шул, өзмәдем.

Әй, көлгәннәр көлсен лә.
Гөмбәне яратканга

Өзмәдем мин берсен дә!