Көмеш кыңгырау

Иң файдалы ял

Сарманда яшәп иҗат итүче шагыйребез Дамир Гарифуллин шигыре.

Китап уку - файдалы ял,
Күңелеңә шуны сал.
Бу дөньяда гомер буе
Китап дусты булып кал.

Арсаң-талсаң, уйга калсаң,
Кулларыңа китап ал.
Кайгы төшсә, эчең пошса,
Китап бирә җанга ял.

Китапханә - гыйльми үзәк
Бөтен кеше өчен дә.
Аңа юлың өзелмәсә,
Җиңел булыр эшеңдә.

Өйрәнерсең авырлыкны
Бертуктамый җиңәргә.
Китапханә ныклы канат
Куя бит ул иңнәргә.

Китап укып матурая
Безнең эчке дөньябыз.
Шуңа да бит гомер буе
Җанда җылы тоябыз.

Әдәбият җир акылын
Түкми-чәчми асрый.
Безнең гасыр булсын иде
Әдәбият гасыры,
Китап сөю гасыры!

Автор яңалыклары: Чыгарсыңмы каршы алырга

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: